Po finalizohet kyçja e lagjes Arbëria në Termokos

13:36 | 13 Maj 2023
A. B.

Kryeshefi ekzekutiv i Termokosit, Fisnik Osmani ka njoftuar se punimet për kyçjen e lagjes “Arbëria” në sistemin e ngrohjes janë duke u finalizuar.

Osmani ka theksuar se gjatë ditës ka përcjellë nga afër punimet me kryetarin e Prishtinës, Përparim Rama.

“E nisëm ditën me Kryetarin e Prishtinës Përparim Rama – në qendrën e qytetit, aty ku po finalizojmë kyçjen e lagjes Arbëria. Jemi gati për sezonin e ardhëm të ngrohjes! Do të vazhdojmë tutje edhe ne objekte të tjera publike me rëndësi të veçantë, brenda kapacitetit aktual termik të cilin e kemi! Termokos, sinonim i Prishtinës së gjelbër”, ka theksuar ai.

Osmani para disa ditësh ka deklaruar se do të përfshijnë edhe dy lagje në sistemin e ngrohjes nga sezoni tjetër. /Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm